Mietwohnung Neubau ab 01.04.2025

Schweren Herzens suachan wir (berufsgeschuldet) Nachmieter für unsa 2-Zimmer-Wohnung in unsan Neibau bei Thurmansbang.

Unsa Einliegerwohnung hod bereits a Einbauküche drin und de bleibt a! Um Lampen brauchst di a ned zu kümmern, schlicht und einfache, aber trotzdem was gscheids hama bereits eine baut.
Ebenso is im Bad bereits a Unterschrank sowieso a Spiegelschrank vorhanden.

Nadirle a eigener, überdachter Hauseingang sowie eigene Mülltonnen.
A Garage für d Mietwohnung hama ned extra, dafür hast a eigene, große Terasse mit direkten Zugang in Goatn und Sicht Richtung Woid und Wiesen.

Mia Saiba hama 2 kloane Kinder, davon is oans na a Baby, wer also mit Kinder ned klarkommt oder a Einliegerwohnung zu eng an de Vermieter dran is, für den is sowos eher nix. Ebenso bitte keine Anfragen über "ich komme mit 3 Kinder, Oma und Opa"... es is "nur" a Zwoa-Zimmer-Wohnung, de ned ausbaufähig zu 3 oder mehr Zimmern is :-D
Leider muss I des scha so schreiben, weil solche Anfragen ernsthaft immer wieder kemman.

Mia sama gmiadliche leid, de a gern moi a Lagerfeuer machen oder ungezwungen bei Steirischer und Gitarre oder einfach so zam sitzen und trotzdem Koana dem andan beß is, wenn Ma einfach sein Ruah mog.

Wennst da bayrischen Sprache mächtig bist und bis daher den Text lesen kinnt host, du Interesse host, dann derfst de bitte kurz per DM vorstain. Interessieren duad uns:

- wer bist du und wie oid/jung bist du?
- Ggf mit wie vai leid mechst eizoing?
- Ab wann ca?
- Wie tickst du so? Interessen? Hobbys?
- Evtl wosd oabadsd?
- Warum suachst a Wohnung?

Haustiere San ned erlaubt und da es unser eigenes Haus is und ned a klischeemäßiger Massenbunker irgendwo von uns weg, mecht Ma a koi Raucher, zumal Ma ja a Kinder ham und wir saiba a Nichtraucher san. diesbezüglich werd i a jeglichen Spott einfach gekonnt ignorieren.

Ebenfalls is uns agrad deswegen so wichtig, dass Ma Se guad vasteht, eben da Ma onaseits recht eng aufananda hockt und deswegen muas des für uns definitiv passen. Ned nur für uns, I find des muas auf beiden Seiten echt passen.

Kaltmiete: über des ren Ma genauer wennst uns zuasogst, aber 500 Euro bei na 75 Quadratmeterwohnung mit praktisch fix und fertiger Einrichtung - bis auf deine Möbel - reichen ned ganz, zumal hier de große Terasse ned mal mit einberechnet is.

Und da in Vergangenheit immer mal wieder fragen kemma san, was dann Warmmiete is, des is mir egal, kinnts azoin wos megts, am End vom Joah wird Ma sowieso barre.
Hoizn doama mit Pellets und s Heisl is na Koana 3 Joah "oid".

Wennst bis do her kemma bist, gfrein ma uns auf dei Bewerbung für d Wohnung.